काठमाडौं । नेपाली कांग्रेसले आगामी १० गते आइतबार दिउँसो १ बजे पार्टीको केन्द्रीय कार्यालयमा कार्यसम्पादन समितिको बैठक बोलाएको छ।

पार्टीका मुख्य सचिव प्रदीप पराजुलीका अनुसार, बैठकमा केन्द्रीय कार्यसम्पादन समितिका पदाधिकारी र सदस्यहरूको उपस्थिति अनिवार्य गरिएको छ।

मंगलबार बूढानीलकण्ठमा भएको पदाधिकारी बैठकले कार्यसम्पादन समितिको बैठक बोलाउने निर्णय गरेको थियो।

बैठकमा समसामयिक राजनीतिक घटनाक्रम, सरकारको कामकाजको समीक्षा र पार्टीको भावी रणनीतिका बारेमा छलफल हुने बताइएको छ।