१८ चैत, काठमाडौं – वरिष्ठ पत्रकार तथा लेखक कमल कोइरालाको निधनप्रति नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले श्रद्धाञ्जली अर्पण गरेका छन्।

आइतबार दिवंगत भएका कोइरालाको पार्थिव शरीर नेकपा एकीकृत समाजवादीको पार्टी कार्यालय, सुविधानगरमा अन्तिम श्रद्धाञ्जलीका लागि राखिएको थियो। प्रचण्डसहित विभिन्न नेताहरूले पुगेर उनलाई श्रद्धाञ्जली अर्पण गरेका थिए।

प्रधानमन्त्री केपी शर्मा ओली, अन्य दलका शीर्ष नेताहरू, पत्रकार तथा शुभचिन्तकहरूले पनि श्रद्धाञ्जली अर्पण गरेका छन्।

कमल कोइराला पूर्वप्रधानमन्त्री मात्रृकाप्रसाद कोइरालाका छोरा हुन्। सानैदेखि वामपन्थी राजनीतिमा सक्रिय रहेका कोइराला नेपालको राजदूतको रूपमा समेत सेवा गरिसकेका थिए। पछिल्लो समय उनी नेकपा एकीकृत समाजवादी पार्टीमा आबद्ध थिए।