हङकङमा जारी टी–२० शृंखलामा नेपालले लगातार दोस्रो जित हात पारेको छ। आज बिहान सम्पन्न खेलमा नेपालले कुवेतलाई ६ विकेटले पराजित गर्दै उत्कृष्ट प्रदर्शन गरेको हो।

यसअघि पहिलो खेलमा नेपालले कतारलाई ८ विकेटले पराजित गरेको थियो। यससँगै नेपाल ४ अङ्कका साथ शीर्ष स्थानमा उक्लिएको छ। अब नेपालले लिग चरणको अन्तिम खेल पर्सि शनिबार घरेलु टोली हङकङसँग खेल्नेछ।

कुवेतले प्रस्तुत गरेको १८६ रनको लक्ष्य नेपालले १८ ओभर ५ बलमा ४ विकेट गुमाउँदै सहज रूपमा पूरा गर्‍यो। कुशल भुर्तेलले सर्वाधिक ८१ रन बनाउँदै टिमको जितमा मुख्य योगदान दिए भने आसिफ शेखले ५३ रनको सानदार इनिङ्स खेले। हङकङका यासिन पटेलले २ विकेट लिए।

त्यसअघि, मिसन रोड मैदानमा टस हारेर पहिला ब्याटिङ गरेको कुवेतले निर्धारित २० ओभरमा ८ विकेट गुमाउँदै १८५ रन बनाएको थियो। कुवेतका क्विन्टो एन्टोनले सर्वाधिक ४१ रन बनाउँदा मिट भावसारले ३५ रनको योगदान दिए। नेपालका सोमपाल कामीले सर्वाधिक ३ विकेट लिए।