मंसिर १०, २०८२

काठमाडौँ — त्रिदेशीय अन्तर्राष्ट्रिय महिला मैत्रीपूर्ण फुटबल प्रतियोगितामा नेपाल आज इन्डोनेसियासँग प्रतिस्पर्धा गर्न तयारी अवस्थामा छ। नेपाल र इन्डोनेसियाबीचको खेल साँझ ६:१५ बजेबाट सुरु हुने छ।

चोटका कारण नेपालको प्रमुख स्ट्राइकर सावित्रा भण्डारी ‘साम्बा’ र डिफेन्डर सविता राना मगर टोलीमा छैनन्। वर्तमान फिफा वरियतामा नेपाल ८७औँ स्थानमा छ भने इन्डोनेसिया १०६औँ स्थानमा रहेको छ।

कप्तान एञ्जिला सुब्बाको नेतृत्वमा २२ सदस्यीय नेपाली टिम अहिले इन्डोनेसियामा छ। टोलीमा अन्जिला तुम्बापो सुब्बा, अञ्जना रानामगर, उषा नाथ, हिरा कुमारी भुजेल, विमला विक, समीक्षा घिमिरे, सजनी थोकर, मनमाया दमाई, पूजा राना, प्रतिक्षा चौधरी, निशा थोकर, रेणुका नगरकोटी, प्रीति हम्बु, सरावा लिम्बु, शाह लिम्बु, साहब राई, राणा मगर, अनिता बस्नेत, मीना देउवा, रेखा पौडेल, रश्मी कुमारी घिसिङ र पूर्णिमा राई रहेका छन्।

नेपालले आगामी खेल डिसेम्बर २ मा चाइनिज ताइपेईसँग खेल्ने छ।