२० जेठ, काठमाडौं । नेपालले स्कटल्याण्ड विरुद्ध एकदिवसीय क्रिकेटमा २९७ रनको विशाल लक्ष्य पछ्याउँदै १ विकेटले ऐतिहासिक जित निकालेको छ। यो नेपालको उच्चतम रन चेज हो। जितका नायक रहे—करण केसी र गुल्सन झा।

गुल्सनले सातौं र करणले नवौं नम्बरमा आएर क्रमशः ४२ र अविजित ६५ रन बनाए। यी दुईले आठौं विकेटका लागि ६० रनको महत्त्वपूर्ण साझेदारी गरे। करणले ४९औं ओभरमा १८ रन जोडेपछि अन्तिम ओभरमा ७ रन आवश्यक थियो। अन्तिम बलमा वाइडको निर्णयले नेपाललाई जित दिलायो।

पूर्व कप्तान पारस खड्काले गुल्सन र करणको संयमता र फिनिसिङको प्रशंसा गरे। यो जितसँगै नेपालले स्कटल्याण्डमाथि लगातार चौथो जीत दर्ता गर्‍यो।