बुटवल, सुमन न्यौपाने
इन्डियन प्रिमियर लिग (आईपीएल) क्रिकेटको १८औं संस्करणमा रोयल च्यालेन्जर्स बेंगलुरुले विजयी सुरुवात गरेको छ।

शनिबार सम्पन्न खेलमा बेंगलुरुले साविक विजेता कोलकाता नाइट राइडर्सलाई ७ विकेटले पराजित गरेको हो।

कोलकाताले दिएको १७५ रनको लक्ष्य बेंगलुरुले १६.२ ओभरमा ३ विकेट गुमाएर पूरा ग¥यो।

विराट कोहली ५९ रनमा अविजित रहे भने फिलिप साल्टले ५६ रनको योगदान दिए। रजत पाटिदारले ३४ रन बनाए भने लियाम लिभिङस्टोन १५ रनमा नटआउट रहे।

कोलकाताका वरुण चक्रवर्ती, वैभव अरोरा र सुनिल नरायनले समान १÷१ विकेट लिएका थिए।

त्यसअघि, इडेन गार्डेन्समा टस हारेर पहिला ब्याटिङ गरेको कोलकाताले २० ओभरमा ८ विकेट गुमाउँदै १७४ रन बनाएको थियो।

कप्तान अजिंक्य रहाणे र सुनिल नरायनले समान ४४ रन बनाएका थिए भने अंग्क्रिश रघुवंशीले ३० रनको योगदान दिए।

बेंगलुरुका क्रुनाल पाण्ड्याले ४ ओभरमा २९ रन खर्चेर ३ विकेट लिए। जोश हेजलवुडले २ विकेट लिँदा यश दयाल, सुयश शर्मा र रसिख सलामले १÷१ विकेट लिए।

यस जितसँगै बेंगलुरुले २ अंक जोडेको छ भने सुरुवातमै उत्कृष्ट नेट रनरेट पनि हासिल गरेको छ।

आईतबार दुई खेलहरू हुनेछन्— दिउँसो ३ः४५ बजे सनराइजर्स हैदराबाद र राजस्थान रोयल्स तथा बेलुकी ७ः४५ बजे मुम्बई इन्डियन्स र चेन्नई सुपर किङ्सबीच प्रतिस्पर्धा हुनेछ।