काठमाडौं – नेकपा एमालेले प्रतिनिधि सभा विघटनविरुद्ध सर्वोच्च अदालतमा रिट निवेदन दर्ता गरेको छ। एमालेले प्रतिनिधि सभा असंवैधानिक रूपमा विघटन गरिएको दाबी गर्दै अदालतमा पुनर्स्थापनाको माग गरेको हो।

एमाले संसदीय दलका मुख्य सचेतक महेश बर्तौला र सचेतक सुनिता बरालले संयुक्त रूपमा रिट निवेदन दर्ता गरेका छन्। निवेदनमा विघटित प्रतिनिधि सभालाई पुनःस्थापना गर्न अदालतको आदेश माग गरिएको छ।

गत मंगलबार विघटित प्रतिनिधि सभा संसदीय दलको बैठकले सांसदहरूको हस्ताक्षर संकलन गरी सर्वोच्चमा जाने निर्णय गरेको थियो। एमालेले विघटनको प्रक्रिया असंवैधानिक भएको भन्दै आलोचना गर्दै आएको छ। साथै, पार्टीले फागुन २१ मा तोकिएको निर्वाचनको पनि विरोध गरिरहेको छ।