५ फागुन २०८२
काठमाडौं। नेपाली बजारमा मंगलबार पनि सुनको मूल्यमा गिरावट देखिएको छ।
सोमबार तोलामा ३ हजार रुपैयाँले घटेको सुन मंगलबार थप ९ सय रुपैयाँले घटेको हो। नेपाल सुनचाँदी व्यवसायी महासंघ का अनुसार आज सुन प्रतितोला ३ लाख १ हजार ९ सय रुपैयाँमा कारोबार भइरहेको छ। सोमबार भने सुन प्रतितोला ३ लाख २ हजार ८ सय रुपैयाँमा कारोबार भएको थियो। 
यसैगरी, चाँदीको मूल्यमा भने वृद्धि भएको छ। मंगलबार चाँदी प्रतितोला २५ रुपैयाँले बढेर ४ हजार ८ सय ८५ रुपैयाँ पुगेको महासंघले जनाएको छ। सोमबार चाँदी प्रतितोला ४ हजार ८ सय ६० रुपैयाँमा कारोबार भएको थियो।
