आश्विन ६, २०८२

काठमाडौं महानगरपालिकामा यस वर्ष २० हजारभन्दा बढी विद्यार्थीले छात्रवृत्ति पाएका छन् । मेयर बालेन्द्र साहका अनुसार यो संख्या अहिलेसम्मकै उच्च हो ।

महानगरको शिक्षा ऐन, २०७५ अनुसार संस्थागत विद्यालयहरूले छात्रवृत्ति दिनुपर्ने कानुन कार्यान्वयन गर्दा यो उपलब्धि हासिल भएको हो । यो वर्ष कक्षा १ देखि १० सम्मका १६ हजार ९८० र कक्षा ११ का ३३०२ गरी जम्मा २० हजार २८२ विद्यार्थीले सवा दुई अर्ब रुपैयाँ बराबरको छात्रवृत्ति पाएका छन्

साहका अनुसार पहिलो वर्ष १३ हजार र दोस्रो वर्ष १९ हजार विद्यार्थीले छात्रवृत्ति पाएका थिए । यस शैक्षिक सत्रमा अहिलेसम्म ४४० विद्यालयले विवरण बुझाइसकेका छन् भने केही विद्यालयले अझै विवरण नबुझाएको उनले बताए ।

मेयर साहले छात्रवृत्तिको विवरण नबुझाउने विद्यालयलाई शिक्षा ऐनअनुसार अनुमति वा स्वीकृति रद्द गर्ने चेतावनी दिएका छन् । साथै, विवरणमा फरक पाइएको खण्डमा कानुन बमोजिम कारबाही गर्ने उनले स्पष्ट पारे ।

‘कानुन निर्माणको महत्व कार्यान्वयनबाट मात्र पुष्टि हुन्छ,’ मेयर साहले भने, ‘त्यसैले हामी कानुन निर्माण र कार्यान्वयन दुवै पक्षमा गम्भीर छौं