असाेज १०,२०८३
बुटवल टाइम्स

काठमाडौं । प्रधानमन्त्री बालेन्द्र शाह संयुक्त राष्ट्रसंघको ८१औँ महासभामा सहभागी भएर आज स्वदेश फर्किएका छन्। प्रधानमन्त्री शाह केहीबेरअघि त्रिभुवन अन्तर्राष्ट्रिय विमानस्थलमा अवतरण गरेका हुन्।
महासभामा सहभागी हुन प्रधानमन्त्री शाह गत मंगलबार साँझ अमेरिका प्रस्थान गरेका थिए। उनले असोज ८ गते संयुक्त राष्ट्रसंघको महासभालाई सम्बोधन गरेका थिए।
महासभालाई सम्बोधन गर्दै प्रधानमन्त्री शाहले नेपालमा हालै आएको भोटेकोशी–त्रिशूली बाढीलाई जलवायु परिवर्तनले निम्त्याइरहेको संकटको उदाहरणका रूपमा प्रस्तुत गरेका थिए। उनले जलवायु न्यायलाई आर्थिक सहयोगमा मात्रै सीमित नगरी हिमाली समुदाय, साना टापु राष्ट्र र भूपरिवेष्टित देशको आवाजलाई समान महत्त्व दिनुपर्ने धारणा राखेका थिए।
अमेरिका भ्रमणका क्रममा प्रधानमन्त्री शाहले विभिन्न देशका प्रतिनिधि तथा अन्तर्राष्ट्रिय समुदायका प्रतिनिधिसँग भेटवार्तासमेत गरेका थिए। भेटवार्ताका क्रममा उनले नेपालको प्राथमिकता, जलवायु संकट तथा अन्तर्राष्ट्रिय समुदायसँगको सहकार्यबारे धारणा राखेका थि