काठमाडौं, साउन १९।
राष्ट्रिय परीक्षा बोर्डले कक्षा १२ को वार्षिक परीक्षाको नतिजा सार्वजनिक गरेको छ। बोर्डको आज बिहान सम्पन्न बैठकले परीक्षाफल औपचारिकरूपमा सार्वजनिक गरेको हो।

यस वर्ष देशभरका ५ हजार २०२ विद्यालयबाट ५ लाख ११ हजार परीक्षार्थी सहभागी भएका थिए। तीमध्ये ३ लाख ९५ हजार नियमिततर्फ र १ लाख १५ हजार आंशिकतर्फ सहभागी भएका हुन्।

विद्यार्थीहरूले नतिजा बोर्डको वेबसाइट result.neb.gov.np, neb.gov.np, तथा नेपाल टेलिकमको https://neb.ntc.net.np वेबसाइटमार्फत हेर्न सक्ने बोर्डले जनाएको छ।