कासाउन २७, २०८२

ठमाडौं — अमेरिकी राष्ट्रपति डोनाल्ड ट्रम्पले शुक्रबार हुने रुसी राष्ट्रपति भ्लादिमिर पुटिनसँगको वार्तामा युक्रेनका केही भूभाग फिर्ता ल्याउने प्रयास गर्ने बताएका छन्। ह्वाइट हाउसमा आयोजित पत्रकार सम्मेलनमा उनले भने, “रुसले युक्रेनको ठूलो हिस्सा कब्जा गरिसकेको छ । हामी युक्रेनका लागि कम्तीमा केही भूभाग फिर्ता ल्याउने प्रयास गर्नेछौं ।”

ट्रम्प र पुटिनको भेट अलास्कामा तय भएको छ। ट्रम्पका अनुसार, “भेट सुरु भएको दुई मिनेटमै प्रगति सम्भव छ कि छैन भन्ने थाहा हुनेछ।” उनले यस वार्तालाई ‘परीक्षात्मक चरण’ को रूपमा वर्णन गर्दै यसको मूल उद्देश्य पुटिनलाई युद्ध अन्त्यको आग्रह गर्नु रहेको बताए।

यसअघि पनि ट्रम्पले रुस–युक्रेनबीच भूभागको सट्टापट्टा वा सीमापरिवर्तन को सम्भावना बारे सार्वजनिक रूपमा संकेत दिएका थिए। यद्यपि, रुसले युक्रेनलाई कुन भूभाग छोड्न तयार हुन सक्छ भन्नेबारे स्पष्टता छैन, र युक्रेनले पनि कहिल्यै रुसी भूभागमा दाबी गरेको छैन।

ट्रम्पले पुटिनसँग सहमति नजिकिएमा युरोपेली नेताहरूलाई जानकारी दिने र पहिलो प्रतिक्रिया स्वरूप युक्रेनका राष्ट्रपति भोलोदिमिर जेलेन्स्कीलाई सम्पर्क गर्ने बताए। “भेटपछि म उनलाई फोन गर्नेछु । र भन्न सक्छु– लडाइँ जारी राख, शुभकामना वा हामी सम्झौता गर्न सक्छौं,” उनले भने।

उनले जेलेन्स्कीसँग व्यक्तिगत रूपमा राम्रो सम्बन्ध रहेको बताए, तर उनका राजनीतिक कदमहरूसँग गहिरो असहमति रहेको स्पष्ट पारे। ट्रम्प यसअघि सन् २०२२ फेब्रुअरीमा सुरु भएको रुस–युक्रेन युद्धका लागि जेलेन्स्कीलाई नै जिम्मेवार ठहर्याइसकेका छन्।

— बीबीसी